کیتاب تانیتیمی
کیتاب تانیتیمی

نورالدین مقدم ( آیدین دومان) کتابین آدی: منیم قانادیم واریمیش ( یئنی یئتمه لر اوچون شعر توپلوسو) شاعر: نورالدین مقدم( آیدین دومان) ناشر : آیدین ساو بیچیم: رقعی.۶۴ص. بو کتابی آیدین ساو نشریاتیندان الده ائده بیلرسیز. آدرس: تبریز، خ.شهید جدیری، بالاتر از تقاطع پاستور، پ. ۳۷۳ تلفن: ۰۹۱۴۳۰۵۹۷۱۵ و ۰۴۱۳۳۳۶۴۲۰۱

“منیم قانادیم واریمیش” شعر مجموعه سیندن بیر شعر

بالاجا قارانقوش

بیر بالاجـــــــا قارانقوش
بیر خبرله گلیــــــــردی
هله کیمسه بیلمــــــه ین
خبری ، او بیــــــلیردی
*
آی یـوخـولو آغــاجلار !
توتقون گؤی!دونوق تورپاق!
آی هله گولمه یــن گول !
آی دیل آچمایان یارپاق !
*
آی چؤل- باییر! داغ-دره!
آی قـارا باتمیش مئشه !
آی چینار! سؤیود! قاواق !
سوسن ! سونبول! بنوؤشه!
*
ائشیدین سیــز ایسته ین
ماهنی گلیــر ساز گلیــر
هامیز گؤز- قولاق اولون
یاز گلیر آی یازگلیــــر
*
ائشیتـــــــــدی بوخبری
بیر قوجـــــــا قارا قارقا
اوجادان قاه-قاه چکیـب
قاریلــــــدادی قارقارقا…
*
بالاجا قــــــــــــارانقوشا
دئدی: چیخ گئت بورادان
یاز نه دیر؟گؤرمه ییرسن
قاردیر قارقادیر هریان
*
بورا یاز قورخوســــوندان
یوز ایله ده گلنمــــــــــز
بوردا مــــــــــن اولا-اولا
بیرجــــــه گولده گولنمز
*
قار چیچه یی گؤز آچـدی
نه قورخدو ، نه اوزولـدو
منــم منـــم سؤیلــــه ین
قوجــــا قارقایــــا گولدو