هفته‌لیک فالینیز
هفته‌لیک فالینیز

✍حاضیرلایان: #اولجای_مرآتی 🔸آغلار‌گولر (قوچ، فروردین): بو هفته چوخ انرژی¬لی گؤرونورسوز. گونشین طالعیزده پارلاماسی، ایلیشگی¬لریزه ایچدن¬لیک وئریر و توپلومسال ایلتیشیم¬لر، قوناق¬لیق¬لار، ایدمان و سئوگی قونو¬لارینی چوخالدیر. هفته¬نین ایلک گون¬لری چوخ دقت¬لی و احتیاط¬لی اولمالی¬سیز. بلکه بیر اولای¬لار اوز وئردی. بلکه ده توپلومسال دوروموز آنسیزین دییشیلدی. بیر یئره دعوت اولاجاقسیز و یا بیر دعوتیز کنسل اولاجاق.

 

 

🔸گولن‌آی (بوغا، اردیبهشت): یاشاییش چوخ گؤزل دیر. یاخجی پول¬لار سیزه ساری چکیله-جک. داها دوغروسو بو هفته بوغا¬لار گؤزل هدیه¬لر آلاجاق¬لار. ائو، عائله و اؤزل یاشامیزا اوداقلاناجاقسیز البته بیرآز والدینیزله اوغراشاجاقسیز. هفته¬نین ایلک گون¬لری چوخ دقت ائلیین. بعضی گؤزلنیلمز اولای¬لار سیزی راحات¬سیز ائده بیلر. قیسسا سفرلر، یازیب- اوخوماق فایدالی دیر. آنجاق یئرسیز سیاسی بحث¬لردن ساخینماغیزی ایستییرم.

🔸قیزاران آی (ائکیزلر، خرداد): یاشامیزین سرعتی هله ده آزالماییب. گؤره¬جه¬ییز ایش¬لردن بیر برنامه تهیه ائلیین و اونون اساسیندا ایرلی گئدین. باجی- قارداش، یولداش و قومشو¬لارلا داها چوخ زمان گئچیدیرسیز. مالی مسائل هله ده سیزده سؤز قونوسو دور. چوخ چکیجی و سیاست¬لی¬سیز. نظرلریزی دیله گتیرین و آماج¬لاریزا چاتماق اوچون برنامه تؤکون. هفته¬نین ایلک گون¬لری مالی تارتیشما¬لاردان ساخینین.

🔸قورا پیشیرن (یئنگج، تیر): بو هفته هرزاد پول و اورتاق مال¬لار اوزرینده دیر. بو قونودا چوخ دوشونون و دیرلریزی بیلین. هفته¬نین ایلک گون¬لری مالی دوروموزدا بعضی اولای-لار اولا بیلر. بلکه ایش اورتاقیز و یا یولداشیز ایله آنلاشمازلیق¬لار یاراندی. البته بو سیزین جاه¬طلب¬لییزدن آسیلی دیر. نه اولور اولسون سیز آماج¬لاریزا چاتماق ایستییرسیز. بیرآز دقت¬لی اولون و باشقا¬لارینین نیاز¬لارینی گؤرمزدن گلمه¬یین.

قویروق دوغان (آسلان، مرداد): بو هفته گونش طالعیزده پارلاییر و سیز انرژی توپلاماغا فرصت تاپیرسیز. یولداش¬لاریزلا ایلیشگی¬لریز ایستی و صمیمی دیر. باخیش¬آچیزی گئنیش-لندیرمک فکرینده¬سیز، بو اوزدن دیشاری چیخیب، فرق¬لی بیر ایش گؤرمک ایستییرسیز. بیرآز احتیاطلی اولون آراجیزین خراب اولماق امکانی وار، سویوق¬قانلی اولون و تعمیراتا باشلایین. بونلارا باخمایاراق، بو هفته چوخ خوش هفته اولاجاق.

🔸زومار (باشاق، شهریور): هله ده پرده آرخاسیندا گیزلی چالیشمانی سئویرسیز. بو سیزین قاپالی بیر کیملیگه مالک اولماغیزدان آسیلی دییل، بلکه ایندی¬لیکده بئله ترجیح ائتمه¬ییزدن آسیلی دیر. والدین، اؤزل آدام¬لار و رئیسیز ایله ایلیشگی¬لریز چوخ یاخجی دیر. اونلار سیزی آلقیشلاییر و بو سیزی داها چوخ چالیشماغا ماراقلاندیریر. گنج¬لرله چالیشماق و یئنی ایش¬لر گؤرمگ سیزی سئویندیریر. تارتیشمالاردا سویوق قانلی اولمالی¬سیز.

🔸خزل (ترازی، مهر): بو هفته توپلومسال ایلیشگی¬لردن لذت آپارین. یئتر کی بو قالابالیقدا سویوق قانلی اولاسیز. بعضی هرکی- هرکی داورانیش¬لار سیزین احوال- روحیه¬زله توتمور و سیزی اینجیدیر. آنجاق بونلارا تبکی وئرمک دورومو داها بترلشدیرر. صبیرلی اولون و چالیشین دورومو اؤز سئودیگیز حالدا تعبیر ائده¬سیز. یاشامین گون¬لری اؤتری دیر، سیز هر زمان گنج قالمییاجاقسیز بو اوزدن چتین¬لیک¬لری آبارتمایین.

🔸قیروو (عقرب، آبان): گونش طالعیزده پارلاییر و سیزی رئیس، والدین و اؤزل آدام¬لارین گؤزونده اولاغان اوستو گؤستریر. بو دورومدان اؤز نفعیزه فایدالانین و یوکسلیشیمیز اوچون نه گرکیرسه ائدین. سیاست، دین و سوی اوزره اولان دانیشیق¬لاردان ساخینین. بئله بحث¬لرین ایندی کی زماندا هئچ بیر فایداسی یوخدور، تکجه سیزی سارسیلدیر و انرژیزی آلیر. بیر نفر گوجلو آدام¬لا تارتیشمالاریزین هئچ فایداسی اولمایاجاق. صبیرلی اولون.

🔸آزر (یای، آذر): تازالیقدا یاشامیز چوخ هیجان¬لی گؤرونور. یئنی یئرلره گئتمک، یئنی شئی-لر اؤیرنمک و یئنی کولتورلرله تانیش اولماق ایستییرسیز. ایش اورتاغیز، یولداش¬لاریز و سئوگی اورتاغیز ایله هر شئی اؤز یولوندا دیر. بعضی ایش و سفر حاقدا سورون¬لارین یاشانماسی سیزی اوزگون ائتمه¬سین. یاشامی دوام ائتدیرمک اوچون او قدر انرژی و گوج توپلاییب¬سیز کی، هله- هله قورتولان دییل. استعداد¬لاریزی آرتیق گؤسترمه¬یه یئنی بیر یول تاپین.

🔸چیلله (اوغلاق، دی): بو هفته هله ده گوجلوسوز. عائله عضولری آراسیندا یارانان سورون-لار سیزی سارستماسین. سیز بو دورومدان چیخماغی باشاراجاقسیز. چوخ¬لاری سیزدن حمایت ائدیرلر و یولداش¬لاریز سیزین¬له محبت¬له داورانیرلار. حیات یولداشیز و یا بیر یاخین یولداش¬لا آنلاشماغیز اولا بیلر، بلکه بو بیر مالی مسأله اوسته اولدو. بو نه قدر یاشامیزی ائتگی¬لندیرسه ده یئنه آللاه سیزین آرخازدا دیر و سیزی حمایت ائدیر.

🔸دوندوران آی (قووا، بهمن): چوخ یورقون¬سوز و یاتیب- دینجلمه¬یه احتیاجیز وار. البته هر نه قدر انرژی دوشوک¬لویوز اولسا، یئنه ده اَیلنمه¬یه یارانان هر بیر فرصتی دیرلندیره بیلیرسیز. یارادیجی چالیشمالاریزا دوام ائدین، بئله¬لیک¬له اؤزوزو گؤرستمک امکانی تاپیرسیز. سئوگی دوروموز چوخ خوش و ایستی دیر. اوشاق¬لارلا اولان ایلیشگی¬لریز چوخ سئویندیریجی دیر. هفته¬نین ایلک گون¬لری یئرسیز تارتیشما و اؤفکه¬دن ساخینین.

🔸بایرام (بالیقلار، اسفند): بو هفته گلیر¬لریزه اوداقلانیب¬سیز و اوغور قازانماق اوچون چوخ چالیشیرسیز. معیار¬لاریزی یوکسک سویه ده توتورسوز و اونلارا چاتماغا جان آتیرسیز. بو آرادا ساغلام¬لیغیزی دا یئترینجه اؤنمسه¬ییرسیز و ائوده اولان ایلنجه¬لردن کئیف آلیرسیز. خرج¬لریزه چوخ دقت ائدین و قناعت ائلیین. ایش یئرینده یارانان بعضی سورون¬لار بو هفته سیزی بیر مدت عائله¬دن اوزاق¬لادیب و ایش ایله اوغراشدیراجاق.