هفته‌لیک فالینیز
هفته‌لیک فالینیز

✍حاضیرلایان: #اولجای_مرآتی 🔸آغلار‌گولر (قوچ، فروردین): ائو و عائله اوزره اوداق‌لانمیسیز. عائله¬وی بحث¬لرده اشتراک ائدیرسیز و ائو تعمیراتی ایله اوغراشیرسیز. بو هفته چوخ خوش و اولوملو دانیشماغیز سیزی سئویملی بیر کیم‌لییه مالک ائدیر. بو هامینی ائتگی¬لندیرمک اوچون، سیزین نفعیزه‌دیر. سیز اونلاری ایشه چکمک اوچون یاخجی برنامه¬لر تؤکه بیلیرسیز. پرده آرخاسیندا یاواش- یاواش ایش¬لری ایرلی آپاردیغیز اوچون چوخ سئوینجک¬سیز.

 

🔸گولن‌آی (بوغا، اردیبهشت): یاشام چوخ حیزلی گئچیر و برنامه¬لریزی سونوجا یئتیرمک اوچون وقتیز اولمور. چوخلو یئرلره گئتمه¬لی و چوخلو ایش¬لر گؤرمه¬لی¬سیز. آنجاق بو ایش-لر سیزه لذت وئریجی دیر. ایسته¬دیگیز بیلگی¬لری توپلایین و انعطاف¬لی داورانین. بئلنچی بیر دورومدا بیر مقدار پول اله گتیرجک¬سیز و اونونلا اؤزوز و سئودیک¬لریزه هدیه¬لر آلاجاقسیز. بو آرادا بوغالارین بیر عده¬سی آنتیک نسنه¬لره ماراقلاناجاق¬لار.

🔸قیزاران آی (ائکیزلر، خرداد): اوزون مدت دیر پول و مالی دوروموزا اوداقلانیب¬سیز. آشیری بو دورومدا قالیب، نگران اولماق یاخجی دئییل. بونون یئرینه، قازانجیزی آرتیراجاق پروژه¬لرین آردینی توتون و اونلاری اجرا ائلیین. چوخ پولا فکر وئرمه¬یین او اؤزو سیزین ائویزی تانییر و یولونو تاپیب، گله¬جک. یاخین گئچمیشده اؤزوزه بیر تعداد پالتار آلماغیزا راغما یئنه ده بو قونودا ماراقلی¬سیز. اما منجه آلمالی، داها واجب شئی¬لر وار.

🔸قورا پیشیرن (یئنگج، تیر): گونش طالعیزده پارلاییر و سیزه چوخ انرژی وئریر. ایلتیشیم¬لر، دانیشیق و دوشونجه¬لریز تام طالعیزدن ائتگی¬لنیر. بو اوزدن بو هفته چوخ دانیشیرسیز. بو هفته ذهنیز چوخ اکتیو دیر و اؤزوزو چوخ اینجه¬لییرسیز. دوغال اولاراق، دیشاری چیخیب، گزمک ایستییرسیز. بو ایشین امکانی نه قدر آز اولسا بیله، یئنه ده سیز گوجلو ذهنیزین یاردیمی ایله بو حاقدا چوخلو ایش¬لر گؤره بیلرسیز.

🔸قویروق دوغان (آسلان، مرداد): آماج¬لاریزی تعیین ائتمک اوچون یاخجی بیر فرصت دیر. سیزین اوچون اؤنملی اولان برنامه¬لری یازین و بو حاقدا دوزگون تصمیم¬لر توتون. گله¬جه¬یی کنترل ائده بیلسز، کسین¬لیکله هدف¬لریزه چاتاجاقسیز. اگر یولداشلیق و آرخاداشلیق ایلیشگی-لرینی عقل و منطق چرچیوه¬سینه سالا بیلسز بو ایلیشگی¬لر سیزین نفعیزه اولوب، سئوگینین گوجلنمه¬سی سیزین گوجلنمنیزه سبب اولاجاق.

🔸زومار (باشاق، شهریور): گئچن هفته گونشین طالعیزده پارلاماسینین انرژی¬سی بو هفته¬یه ده یانسییب. بو اوزدن، چوخ سئویملی¬سیز. گنج¬لر سیزه ساری چکیلیر و سیزین ایلیشگی¬لریز خوش و ایلیملی دیر. یولداشلیق¬لارا اولان باخیش آچیزی دییشدیریب¬سیز و آماج¬لاریزی دوشونورسوز. هنری و یارادیجی ایش¬لریز چوخالاجاق. حیات یولداشیز و یا سئوگیلیز بعضی وقت¬لر سیزی اینجیدیر، اونون اؤنونده صبیرلی اولون.

🔸خزل (ترازی، مهر): هله ده اولاغان اوستو ائیلنجه¬لری دوشونورسوز. گونش طالعیزده پارلاییر و سیزی، رئیس، والدین و اؤزل آدام¬لارین نظرینده یاخجی گؤرسه¬دیر. بو هفته یاشام و ایش دوروموزو سهمانلاماغا ماراقلی¬سیز، یئنی شئی¬لری اؤیرنمک ایش دوروموزو دوزلتمک اوچون سیزه چوخ یاردیم ائدیر. سئوگی و گؤزل¬لیک¬لر، یاشامیزا معنا وئریر هر نه قدر سفره گئده بیلمه¬سز ده، بو خیال¬لارلا خوش اولا بیلرسیز.

🔸قیروو (عقرب، آبان): باخیش آچیزی گئنیش¬لندیرمک، مطالعه و یئنی شئی¬لر اؤیرنمه¬یه چوخ ماراقلی¬سیز. هر زادی اینجه¬لییب، اونلارین بیرلشیمینی دوشونورسوز، فلسفه، نجوم و قانون حاقدا بیلگین¬لشمک چوخ فایدالی دیر. تجربه¬لر آدامدان- آداما فرق ائلییر و هر کس اؤز، اؤزل دویغولارینی یاشایاجاق. بابالاریمیز دئییب¬لر ائولر آیری اولسادا سرّلار بیر دیر، آنجاق عاطفی باخیمدان هر کسین تجربه¬لری اؤزل دیر.

🔸آزر (یای، آذر): ایلتیشیم قورماغا یاخجی زمان دیر. هله ده گونش طالعیزده پارلاییر و سیزین شور و اشتیاقیزی چوخالدیر. بوآرادا اؤز ایچ دونیازی، دوزگون اینجه¬لمک فرصتی تاپیرسیز. بو اوزدن باشقالاری ایله ایلتیشیم قورماقدان چوخ لذت آپاراجاقسیز. اورتاق یاشامیزدا بعضی تارتیشمالار اولا بیلر. مالی معامله و مذاکره¬لره اوغراشماغیز ائوده اولان دوروموزو تهلوکه¬یه سالا بیلر، بو قالابالیقدان ساخینماغیزی رجا ائدیرم.

🔸چیلله (اوغلاق، دی): بو هفته یورقون¬سوز، لطفا اؤز نیازلاریزا سایقی ایله یاناشین، سورون¬لاریز حاقدا، ایلیشگی¬لریزی زده¬لمه¬دیگی حدّ ده دانیشین، بو هفته یئنی معامله و یئنی مذاکره¬لریز اولا بیلر. هر حالدا ایش، ساغلاملیق و مالی باخیمدان طالعیز چوخ سیزه یاردیم ائده¬جک. بو دوروم¬لار ایرلی گئتدیکجه، آداق- آداق آماج¬لاریزا یاخین¬لاشیر، ایستک¬لریزه چاتیرسیز. بو آرادا اله گتیردیگیز دیرلی منفعتین قدرینی بیلین.

🔸دوندوران آی (قووا، بهمن): چوخ چالیشیرسیز و یاشامیزی سهمان‌لاماغی دوشونورسوز. بو چوخ یاخجی دیر. ذهنی چالیشمالار سیزی ماراقلاندیریر. جزئیا تی دوشونمک سیزه چوخ راحات دیر و بو حاقدا ان دوز تکنیک¬لردن فایدالاناجاقسیز. سیزین کیمی کمال¬گرا بیر شخص ایش¬لرینه لیست یازیب، دوزنلی چالیشمادان لذت آپارا بیلر. سورون¬لاریز حاقدا دانیشین و اونلاری اورتادان قالدیرین. آنجاق هئچ کس‌دن چوخ انتقاد ائتمه¬یین.

🔸بایرام (بالیقلار، اسفند): طالعیزدن آسیلی اولاراق، چوخ انژی¬لی سیز. ایدمان، هنری چالیشمالار، اوشاق¬لارلا ائیلنمک و حتی بیر سئوگی ماجراسی سیزی چوخ سئویندیره بیلر. هر نه قدر یازیب- اوخوماق و یئنی شئی¬لر اؤیرنمکدن لذت آپارساز، یئنه ده یاشامیزین سبکینی بیلیب و او یولدا ایرلی گئده بیلسز اؤز نفعیزه دیر و سیزی داها تئز اوغورلاندیرا بیلر. یاشاییش ان چوخ دوزنلی اولوب، برنامه ایله قاباغا گئتمکدن عبارت دیر.