هفته‌لیک فالینیز
هفته‌لیک فالینیز

✍حاضیرلایان: #اولجای_مرآتی 🔸آغلار‌گولر (قوچ، فروردین): بو هفته گوندم ایش¬لریزی چوخ سرعت‌له گؤرورسوز. چئوره‌زه ماراقلی باخیشیز آرتیلیب. گوندم دانیشیق¬لار، قیسسا سفرلر، قونشو¬لارلا گل- گئت ائتمک، چوخدان اوزاق اولدوغوز بیر یولداشی یئنی¬دن گؤرمک و ... سیزه لذت وئریر. بو هفته یئنی شئی¬لر اؤیرنمه¬گه یاخجی بیر هفته دیر. بحث¬لرین هامیسی یاخجی یئرلره چاتاجاق، سیزین دوزگون اولماغیز گونو- گوندن سایقیزی چوخالداجاق.

 

🔸گولن‌آی (بوغا، اردیبهشت): بوغا¬لار چوخ گؤزل پول قازانماق یولونو باشاریرلار. بو اوزدن ده، بو هفته تماماً مالی دوروموزا اوداقلانیب¬، نه¬یین سیزه داها چوخ ارزشی اولدوغونو آنلایاجاقسیز. یو گون¬لر دونیانی بوروین بحرانین اثرینده چوخ شئی¬لر دییشیلدی، چوخ¬لاری دورومدان اؤز نفعینه فایدالانسا دا، بیر عده معنویاتا اوز گتیردی. آنجاق سیز داها اؤنملی شئی¬لری دوشونون و دوز تصمیم توتون. هر زاد مادیات دئییل.

🔸قیزاران آی (ائکیزلر، خرداد): اوزون مدت¬دن سونرا گونش طالعیزده پارلاماغا باشلادی و یاشام اوچون سیزه انرژی و اشتیاق وئریر. چئورزه اولان سئوگی و ماراغیز گونو- گوندن آرتیریلیر و یاخجی آدام¬لارلا، یاخجی دوروم¬لار دا سیزه ساری چکیلیر. داها چوخ ایلتیشیم قورماق؛ مسافرته گئدیب، یئنی تجربه¬لر الده ائتمک ایستییرسیز. احتیاط¬لی اولون و آرزی-لاریزا چاتماغا الیزدن گله¬نی اسیرگه¬میین. دوغوم گونوز قوتلو اولسون.

🔸قورا پیشیرن (یئنگج، تیر): یاشامیزین بیر ایلی قورتولماق حالدا دیر. بو یئنی بیر ایلین باشلانماسی معناسینا دیر. منجه آرامشیزی حفظ ائلییب و یئنی یاشامیز و اوزوزه گلن گون¬لره دوشونسز داها یاخجی اولار. نئجه بیر یاشام سئویرسیز؟ نه اولای¬لاری گؤزلویورسوز؟ بیر مدت پرده آرخاسیندا گیزلیجه چالیشین، طالعیز سیزه بو انرژی¬نی ساغلییاجاق. ایستک¬لریزی تانییب، اونلارا چاتماق یول¬لارینی تاپاجاقسیز.

🔸قویروق دوغان (آسلان، مرداد): بو هفته سیزه دییشیم هفته¬سی دیر. انزوادان چیخیب، داها چوخ گنج¬لرله ایلتیشیم قورماق و هنری و یارادیجی چالیشما¬لارا ماراقلی سیز. ارزش¬لر و ایلیشگی¬لریزی تانیماغا بیر زمان آییرین. گلن گون¬لرده بیر نفرله تانیشلیغیز یاشامیزی چوخ ائتگی¬لندیرجک. بورج، اورتاق مال¬لار و اورتاق یاشامیزدا اولان سورون¬لار قورتولاجاق و لذتلی گون¬لریز یئنی¬دن باشلایاجاق.

🔸زومار (باشاق، شهریور): بیرآی مدتینده گونش طالعیزده پارلایاجاق و سیزی هامینین گؤزونده یاخجی گؤرسه¬دیر و اونلار سیزی آلقیشلاییر. اؤزل¬لیکله اؤنملی آدام¬لار، والدین و رئیسیز. بو گون¬لر رویالاریزین آردین توتون، ایسته¬دیگیز ایش¬لری گؤرون و اوغورلارا دوغرو گئدین. سیزه یاخین اولان¬لارین قدرینی بیلین و اونلارلا یاخجی داورانین. گؤزل باخدیقجا، گؤزل¬لیک¬لری گؤره بیله¬جکسیز. بو فرصت¬لریزی دیرلندیرین.

🔸خزل (ترازی، مهر): بو گون¬لر باشقا کولتورلر و یئنی آدام¬لارلا تانیش اولماغا ماراقلی¬سیز. باخیش آچیزی گئنیش¬لندیرمک اوچون یئنی ایده¬لر و امکاناتی کشف ائدین. بلکه بیر سئوگی ماجراسی باشلادیز چوخ سفره گئتمک ایستییرسیز، اگر ایندی بو امکان اولماسا دا، یاخین گله¬جکده بو فرصت یاراناجاق. بعضی دانیشیق¬لار قانع ائدیجی دئییل. ایش¬لریزی سهمانلایین و ایستک¬لریزه چاتماغا چالیشین. ایش¬لر اؤز- اؤزونه دوزلجک.

🔸قیروو (عقرب، آبان): بو هفته سیزه خوش بیر هفته دیر. سیزین هر ایش اوچون هوس و اشتیاقیز وار. بیر نفری ائتگی¬لندیرمک و اونو سیناماق فکرینده¬سیز. چوخ گوجلو بیر سئوگی ایلتیشیمی قوراجاقسیز. طالعیز سیزی ایستک¬لریزی دیله گتیرمک و اؤزگولویه دوغرو گئتمکده گوج¬لندیر¬جک و قورخمادان، چکینمه¬دن سئودیگیز ایش¬لری گؤره¬جکسیز. وام آلماق و یا باشقالارینین مالی قایناق¬لاریندان فایدالانماغا یاخجی زمان دیر.

🔸آزر (یای، آذر): گونش طالعیزدن اوزاقلاشدیغی اوچون اؤزوزو یورقون حسّ ائدیرسیز و یوخویا چوخ احتیاجیز وار. بو دوروم ایلتیشیم¬لریزی ائتگی¬لندیره بیلمز، بو اوزدن دینجلین و انرژی¬زی اله گتیرین. سیز هر کسه اولان محبتیزی اونا گؤرستمه¬گی باشاریرسیز و دوزگون دانیشیق¬لاردا چوخ باشاریلی اولاجاقسیز. راحاتلیقلا قاباغا گلن بحث¬لرین آردین توتون و دانیشمان¬لیق یئتنه¬ییزدن فایدالانین. شانس سیزین¬له دیر.

🔸چیلله (اوغلاق، دی): بو هفته یاشامیزی نئجه دوزگون مدیریت ائیلییه بیلمک حاقدا دوشونه-جکسیز. بو مدیریت چوخ چالیشماغیزا باغلی دیر. یاشامین ایلکین آددیم¬لاری و سوروملولوق¬لارینی تانیین و او یولو گئدین. گلن گون¬لرین اولای¬لاری و چئورزده اولان-لارین ایش¬لری سیزین نفعیزه اولاجاق. امکداش¬لاریز سیزی آلقیشلاییر و ایلیشگی¬لریز خوش و دوزنلی دیر. سیز حقیقتی دیله گتیرمکده چوخ باشاریلی سیز.

🔸دوندوران آی (قووا، بهمن): بو گون¬لر اؤزوزو گؤرستمک ایستییرسیز. سئودیگیز ایش¬لری گؤرورسوز، بو رئیس¬لیک ائتمک معناسینا دئییل، سیز اؤزگورجه¬سینه چالیشماق ایستییرسیز. گونش یاشامیزدا پارلاییر و سیز اؤزوزو بیر اوشاق کیمی چوخ یونگول حسّ ائدیرسیز. البته اوشاق¬لاریزدان بیرآز قایغی¬لانیرسیز، آما توپلومسال ایلیشگی¬لردن لذت آپاریرسیز، بلکه بیر سئوگی ماجراسی باشلادیز هیجانلانمایین و اؤزوز کیمی داورانین.

🔸بایرام (بالیقلار، اسفند): بو هفته چوخ انرژی¬لی و اؤزگوونج¬لی گؤرونورسوز و اکتیو اولماغا چالیشیرسیز. اؤزوز و باشقا¬لارینین حقوقوندان دفاع ائدیرسیز. ائو و عائله¬یه اوداقلانیب¬سیز و والدین ایله یاخجی داورانماغا چالیشیرسیز. ائوده اولان تعمیرات، دئکوراسیون دییشدیرمک و … بو هفته گؤره بیله¬جه¬ییز ایش¬لردن دیر. عائله¬وی تارتیشمالار اولا بیلر، آنجاق بونونلا بیله اؤزوزه بیر زمان آییرین و اؤزل دوروموزو سهمانلایین.